Jean Cocteau

Llenor ''avante-garde'', cyfarwyddwr ffilm arbrofol ac arlunydd o Ffrainc oedd Jean Maurice Eugène Clément Cocteau (5 Gorffennaf 1889 – 11 Hydref 1963).

Ysgrifennodd nifer o gerddi, dramâu a nofelau, cyfansoddodd ''libretti'' opera, a chynhyrchodd gyfres o ffilmiau byr a gafodd ddylanwad mawr ar ddatblygiad y sinema yn Ffrainc. Roedd yn arlunydd da hefyd, ac mae ei waith yn cynnwys darluniau pensil ac inc a murluniau i eglwysi. Nodweddir ei waith gan yr elfen o ryfeddod gan dynnu ei ddelweddau o fyd mytholeg a llên gwerin. Darparwyd gan Wikipedia