Friedrich Nicolai

Christoph Friedrich Nicolai (Berlin, 1733ko martxoaren 18a - ''ibidem'', 1811ko urtarrilaren 11) alemaniar idazlea izan zen. Arrazionalismoaren aldezlea izan zen. Alemaniako Ilustrazioaren defendatzaile handienetakotzat hartu da. Lessingen eta Mendelssohnen adiskidea zen. Bere familiarena zen argitaletxearen eta liburu-dendaren zuzendaritza hartu zuen 1758an, eta horietaz baliatu zen hainbat aldizkari sortzeko: ''Zientzia ederren eta antze liberalen liburutegia'' (1757-1765), ''Garai honetako literaturari buruzko gutunak'' (1761-1765) eta ''Alemaniar liburutegi orokorra'' (1765). Alemaniar literaturako lehenengo aldizkariak dira; haien helburua zen filosofia ilustratua zabaltzea eta Alemanian eta erbestean agertzen ziren literatura-lanak ezagutzera ematea. ''Das Leben und die Meinungen des Herrn Magister Sebaldus Nothanker'' (''Sebaldus Nothanker maisu jaunaren bizitza eta gogoetak'') (1773-1776) erlijio fanatismoaren kontra, eta ''Gizon gizen baten historia'' (1794) satira-eleberriak ere idatzi zituen. Wikipediatik informazioa lortu