Ippolito Nievo

Ippolito Nievo (Padua, 1831ko azaroaren 30a – Tirreniar itsasoa, 1861eko martxoaren 4a) italiar idazle, kazetari eta abertzalea izan zen.

Zuzenbidean graduatu zen Paduako Unibertsitatean, baina ez zuen abokatu gisa jardun austriar administrazioaren menpe ez egoteko. Giuseppe Mazzinik politikoki eraginda, Venetoa austriar domeinutik askatzeko eta Italia batu baten alde borrokatu zuen.

1860an Giuseppe Garibaldiri batu zitzaion Siziliako Borboien aurkako Alkandora Gorrien Espedizioan. 1861eko otsailean Italia batu eta gutxira, Nievo bere ontziaren hondoratzean hil zen.

Bere lanik garrantzitsuena ''Le Confessioni d'un italiano'' (''Italiar baten aitorpenak'') izeneko eleberri historiko eta psikologikoa da. Olerkigintza, ipuinak eta saiakerak ere idatzi zituen. Wikipediatik informazioa lortu